UZ

Котрина Кулбите: "Муносиб ўйин кўрсатиб, Осиё кубоги йўлланмасини қўлга киритишни мақсад қилганмиз" Янгиликлар

Котрина Кулбите: "Муносиб ўйин кўрсатиб, Осиё кубоги йўлланмасини қўлга киритишни мақсад қилганмиз"

2026 йилги аёллар Осиё кубоги саралаш босқичининг “F” гуруҳи учрашувлари олдидан жамоалар бош мураббийлари иштирокида матбуот анжумани ўтказилди.

Унда Ўзбекистон аёллар миллий терма жамоаси бош мураббийи Котрина Кулбите ҳам иштирок этди

— Барчани кўриб турганимдан хурсандман. Нафақат турнирга тайёргарлик балки, Ўзбекистон аёллар миллий терма жамоасидаги 6 ойлик фаолиятим ажойиб тарзда ўтди, дея оламан. Бу давр мобайнида жамоада ижобий муҳит шаклланди, кайфият ва футболчиларнинг жисмоний ҳолати юқори даражада. Муносиб ўйин кўрсатиб, Осиё кубоги йўлланмасини қўлга киритишни мақсад қилганмиз.

Гуруҳдаги жамоалар ҳақида

— Рақиб жамоаларининг ўйинларини чуқур таҳлил қилдик. Лекин барчаси майдонда, ўзаро ўйинда ҳал бўлади. Шундай экан ҳар қандай ҳолатга тайёр туришимиз талаб этилади. Непал терма жамоасига бир ой аввал янги мураббий тайинланган бўлса-да, таркибда легионер футболчилар мавжуд. Шри-Ланка ва Лаос ҳам кучсиз жамоалар эмас. Бироқ биз ўз ўйин услубимизга таяниб, ижобий натижа қайд этишга ҳаракат қиламиз.

Рейтинг: +3   

Фикрлар

+1   
28 июн 14:34:06
Мустафа Жанабаев
Faqatgina chiroyli yuzungiz bilan emas, chiroyli natijalaringiz bilan esda qolasiz degan umiddamiz)
championat.asia
< сўнгги янгиликларни кўриш
Яндекс.Метрика