Коста "Атлетико" билан хайрлашди

Эслатиб ўтамиз, бир неча кун олдин футболчи Мадрид раҳбариятидан 2021 йил 30 июнгача мўлжалланган шартномани муддатидан олдин бекор қилишни сўраган эди.

"Бугун аралаш туйғулар куни. Мен бир вақтнинг ўзида ҳам хурсандман, ҳам хафаман, чунки мен "Атлетико" билан хайрлашмоқдаман. Оиламни тарк этиш жуда ачинарли, мен унинг бир бўлаги эдим. Бу оила менинг ҳаётимда мавжуд бўлганидан бахтиёрман.

Турлича ва жуда қийин дамларни бошдан кечирдим, ўшанда фақат жамоадошларим, шифокорлар ва ишчилар туфайли буни енгдим. "Атлетико" каби катта клуб тарихида из қолдиришга муваффақ бўлганимдан шодман.

Барча мухлисларга катта раҳмат. Мен янги чақирув ва синовлар томон юряпман", – деб ёзди Диего Коста Instagram'да.