Конте: “Тоттенхэм” тўп назоратини қўлга олиб, “Ливерпуль”га муаммо туғдиришини айтгандим”

“Томошабоп ўйин, бизда гол уриш ва ғалаба қозониш учун жуда кўп имкониятлар бўлди. Дурангдан бироз хафа бўлишимиз керак. Лекин, албатта биз кучли рақибга қарши ўйнадик.

Режамиз бор эди ва бу фақат ўзимиз ҳимояланишимиз кераклиги ҳақида эмасди. Тўпга эгалик қилиш орқали “Ливерпуль”га муаммо туғдиришга қодирмиз дегандим ва шундай ҳам бўлди.

Ҳакамнинг қарори ҳақида гапирмоқчи эмасман. Ўйлашимча, иккала жамоа ҳам ажойиб ўйин ўтказди. Харри Кейн яхши ўйнади, жуда муҳим голни урди ва кўпроқ тўп киритиши ҳам мумкин эди. У биз учун муҳим футболчи”, дейди Антонио Конте.