Конте: “Ноу Камп”да ҳар қандай футболчини ҳаяжон босади”
14 мар 2018 01:53
Янгиликлар

Конте: “Ноу Камп”да ҳар қандай футболчини ҳаяжон босади”

“Челси” бош мураббийи Антонико Конте ЕЧЛ 1/8 финалида “Барселона”га қарши жавоб учрашуви олдидан ўз фикрларини билдириб ўтди.

Лондонда ўтган илк учрашувда томонлар жанговар дурангга (1:1) имзо чекишган эди.

“Камп Ноу – фантастик стадион. Ўйлашимча, бу ерда майдога чиққан ҳар қандай футболчини ҳаяжон босади. Менинг кўпгина шогирдларим бу ерда умуман ўйнашмаган. Демак, биринчи марта ушбу стадионга тўп тепиш экан, қўлдан келган барча ишни қилиш лозим.

Дунёнинг энг кучли жамоаларидан бирига қарши биринчи баҳсда идеал ўйин кўрсатдик. Аммо ҳисоб “Барселона”га устунлик беради. Шунга қарамай улар ғалаба қозонишга уриниб кўришади. Эҳтиёткорликни йўқотмаслигимиз талаб этилади.

Биз турнирни тарк этмоқчи эмасмиз, аммо бу осон эмас. Агар биз шуни истар эканмиз, ҳар бир имкониятдан фойдаланашимиз зарур”, дея Контенинг сўзларидан иқтибос келтирмоқда лондонликлар матбуот хизмати.

Ҳавола :

Манба : "Челси" расмий сайти

Янгиликларни Телеграмда ўқинг!

Рейтинг: +24