Конте “Челси”ни судга бермоқчи

Мураббий ўтган мавсум сўнггида истъфога чиқарилган, аммо томонлар ўртасида ҳали ҳамон молиявий келишмовчилик сақланиб турибди.

Конте клуб раҳбарияти муддатидан олдин шартномани бекор қилгач, 26 миллион евро товон пули тўланишини талаб қилмоқда.

Sky Sports хабарига кўра, лондонликлар раҳбарияти Конте билан орадаги келишмовчиликни судгача олиб бормасдан, ўзаро музокара ўтказиш йўли билан ҳал этмоқчи эди. Аммо Антонио Конте буни истамаяпти ва молиявий низони суд орқали ҳал этиш ниятида.