"Комо" тинмаяпти: жамоа энди Депай ва Марсьялга кўз тикди

Италия А Сериясига чиққан "Комо" Мадриднинг "Атлетико" клуби собиқ ҳужумчиси Мемфис Депай ва "Манчестер Юнайтед" ҳужумчиси Антони Марсьялни сафига қўшиб олмоқчи, дея хабар берди Николо Шира.

Италияликларнинг таклифига 30 ёшли Депай қизиқмоқда, 28 ёшли Марсьяль эса бу ҳақда ўйламоқда. Ҳар икки футболчи "Атлетико" ва "Манчестер Юнайтед" билан шартномалари июнь ойида тугаганидан кейин эркин агент ҳисобланади.

Мемфис Депай 2023/24 йилги мавсум "Атлетико" таркибида 31 та ўйин ўтказиб, 9 та гол урди ва 2 та голли узатмани амалга оширди. Антони Марсьяль эса "Манчестер Юнайтед" либосида 19 та ўйинда иштирок этиб, 2 та гол урди ва 1 та голга ассистентлик қилди.