Клублар ўртасидаги ЖЧга қизиқиш жуда паст
13 июн 00:55
Янгиликлар

Клублар ўртасидаги ЖЧга қизиқиш жуда паст

Клублар ўртасидаги жаҳон чемпионати стартига оз вақт қолмоқда, турнир ҳали бошланмасиданоқ машмашалар марказига айланди.

Биринчидан, ФИФА ҳали ҳам турнирнинг телеҳуқуқлари билан келишувга эришиши осон бўлмади. Ташкилот телекомпаниялардан тушаётган таклифдан кўра кўпроқ маблағ истамоқда, шу сабабли ФИФА бошқа телекомпаниялар билан келиша олмаётганди. Турнир эса ўтказилмаслиги ҳам мумкин бўлиб турганида DAZN компанияси билан келишув амалга ошди.

Иккинчидан, турнирда иштирок этувчи жамоалар билан муаммолар юзага келди. Турнирнинг бир иштирокчиси "Пачука" билан эгалари бир бўлгани учун Мексиканинг "Леон" жамоаси турнирда қатнаша олмайдиган бўлди. Шу сабабли унинг ўрнига иштирок этадиган жамоа ЖЧда ўйнашини жуда кеч билди. Турнирда иштирок эта олмайдиган клублар эса иштирокчилар сонини 32тадан 48тага оширишни талаб қилишди.

Учинчидан, турнир стартига оз вақт қолаётган бўлса-да, чипталар деярли сотилмаяпти. Одамларда турнирга бўлган қизиқиш жуда паст. ЖЧга бўлган жуда катта афишалар ўзини оқламади, гарчи чипталар нархи сезиларли равишда пасайтирилган бўлса-да. Энди Инфантино ва Ко янгича йўлни ўйлаб топди: клублар ўртасидаги ЖЧда фақатгина телевизор орқали кўринадиган секторларгагина чипта сотилади. Бу эса бошқа одамларда турнирга бўлган қизиқиш юқори бўлганлигини англатади, деб ўйлашмоқда.