Ким Пан Гон: "Эртага ғалаба қозонсак, йўлланма имконияти бизда яхши бўлади"

Биринчи бўлиб, мезбонлар мураббийи Ким Пан Гон журналистлар саволларига жавоб қайтарди. Жанубий Кореялик мутахассис қуйидаги фикрларни билдириб ўтди:

"Гуруҳдаги вазиятимизни яхши деб айтиш қийин. БААга 2та ўйинни бой бериб, қийин аҳволга тушиб қолдик.Аммо Ўзбекистон билан бўлиб ўтадиган учрашув ҳамма нарсани ўзгартириб юбориши мумкин. Шу сабаб, ўйинга жуда жиддий тайёрланяпмиз. Биз учун бу учрашув мавсумнинг энг асосий ўйини бўлади." - дея дастлабки фикрларини билдириб ўтади.


"Ғалаба вазиятни ўзгартиради ва биз Осиё Кубоги финал босқичи йўлланмасини  қўлга киритиш учун жуда яхши имкониятга эга бўламиз. Тўрт учрашувда биз фақат бир марта гол уришга эришдик. БАА ва Ўзбекистонга қарши кечган баҳсларда майдонни голсиз тарк этдик. Эртанги ўйинга тайёргарлик пайтида биз ушбу жиҳатга катта эътибор қаратдик.Биз кучли жамоалар дарвозасини  ишғол этишни ўрганишимиз шарт. Эртага  шундай имконият бўлади. Уни қўлдан чиқармаслигимиз керак." - дея қўшимча қилиб ўтади Гонконг бош мураббийи