Келишмовчилик давом этади: Кавани Неймар сабаб ПСЖдан кетмоқчи

"Manchester Evening News"нинг маълум қилишича, уругвайликка "Реал", "Манчестер Юнайтед" ва "Эвертон" қизиқиш билдирган.

Бразилиялик ва уругвайлик ҳужумчилар "Лион"га қарши ўйин (2:0)да пенальтини тепиш учун тортишиб қолишган эди. Якунда, чемпионатнинг энг яхши тўпурари бўлишни ният қилган Кавани тўпни шеригига бермаган ва 11 метрликдан гол ура олмаган эди. Шундан сўнг, ҳар икки ўйинчи ўртасида кийиниш хонасида ҳам тўқнашув рўй берган. Кейинроқ, Неймар ўз ҳаракати учун узр сўраган.

Эслатиб ўтамиз, Неймар ушбу ёзда ПСЖга "Барселона"дан 222 миллион евро эвазига ўтган эди.