UZ

Сўнгги янгиликлар

14:29"Ҳурматли мухлислар, жамоадаги ишим давомида мени ҳар томонлама қўллаб-қувватлаганингиз учун катта раҳмат!" — Александр Хомяков  1 14:00​Championat.asia ва Transfermarkt Ўзбекистон Суперлигасининг апрель ойидаги энг яхши мураббийи ва футболчисини аниқлади  2 13:59Пляж футболи бўйича Жаҳон чемпионати. Япония ва Эрон кейинги босқичда  0 13:42"Пахтакор" Педру Морейра қисқа таътилга чиққанини эълон қилди. Жамоани вақтинча Камолиддин Тожиев бошқаради  12 13:27"Челси" футболчиси "Фламенго" диққат марказида  0 12:53"Ямални икки футболчи қўриқлайди" — Симоне Инзаги  17 12:25Кьеза жамоадошларидан 1 ҳафта кечроқ Англия чемпиони бўлди  2 11:57Гвардиола аргентиналик иқтидорни "Барселона"дан тортиб олмоқчи  3 11:31ОФК келаси U-17 Осиё чемпионатлари мезбонини маълум қилди  19 11:10“Реал“ Трентни клублар ўртасидаги ЖЧда иштироки учун “Ливерпул“га қанча пул таклиф қилгани маълум  3 11:00Суперлига футболчилари ЕЧЛ финалчиларини тахмин қилди  17 10:45“Арсенал“ футболчиси фаолиятини Бразилияда давом эттиради (Фабрицио Романо)  3 10:22“Байер“ бош мураббийлигига номзодлар маълум қилинди  2 09:59Карло Анчелотти “Реал“ билан келишиб олди  6 09:37Пролига. Бугун 5-тур давом эттирилади  0

Нега "Женоа"ни эмас, Россия клубини танлагани, Катанец уни Швецияга қарши ўйинга жалб қилгани ва янги жамоаси ҳақида. "Нижний Новгород" Йўлдошев билан интервью ташкил қилди Янгиликлар

Нега "Женоа"ни эмас, Россия клубини танлагани, Катанец уни Швецияга қарши ўйинга жалб қилгани ва янги жамоаси ҳақида. "Нижний Новгород" Йўлдошев билан интервью ташкил қилди

РПЛ вакили "Нижний Новгород" клуби "Пахтакор" ҳимоячиси Иброҳимҳалил Йўлдошевни ўз таркибига қўшиб олди ва у билан интервью ташкил этди.

- Иброҳимҳалил, сизни Нижний Новгородда кўриб турганимиздан хурсандмиз! Ўзбекистон чемпионатида қандай муваффақиятларга эришгансиз?

- Мен "Пахтакор" академиясини тугатганман. Тошкент клуби билан 2019 йилда Ўзбекистон чемпионатини қўлга киритдим, сўнгги бир мавсумда "Бунёдкор"да ижарада ўйнаб, сўнгра яна "Пахтакор"га қайтдим.

- Қачондан сизни мамлакат терма жамоасига жалб қила бошлашди?

- 2020 йилдан бери термада ўйнайман. Ўртоқлик ўйинларида ҳам, расмий ўйинларда ҳам. Яқинда Ўзбекистон терма жамоасини таниқли словениялик мураббий Сречко Катанец қабул қилиб олди. У мени 5 сентябрда Стокгольмда бўлиб ўтадиган Швеция - Ўзбекистон ўртоқлик ўйинига жалб қилди.

- Қандай қилиб "Нижний Новгород"да пайдо бўлдингиз?

- Менда кўплаб таклифлар бор эди. Ҳамюртим Элдор Шомуродов ўйнаган Италиянинг "Женоа" клубига ўтишга яқин эдим. Айнан Шома менга ўз кучимни Россия чемпионатида синаб кўришни маслаҳат берди. Prosports Management агентлари билан маслаҳатлашувлар ва "Нижний Новгород" бош мураббий Александр Анатольевич билан суҳбатдан сўнг ўзим учун юз фоизлик қарор қабул қилдим: Нижнийда қоламан!

- Янги клубингиз билан машғулотларни бошлашга улгурдингизми?

- Ҳа, машғулотлар ёқди. Йигитларнинг ҳам барчаси ажойиб, яхши қабул қилишди.

- Қайси позицияда ўйнайсиз?

- Мен чап қанот ҳимоячисиман. Аммо "Нижний Новгород"га мени бутун қанотни ёпадиган латерал сифатида таклиф этишди.

- "Нижний"да қайси рақамни олдингиз?

- Ёшлигимдан бери, "Пахтакор" академиясида шуғулланишни бгшлаганимдан бери олтинчи рақам остида тўп тепаман. "Нижний Новгород"да ҳам ҳеч нарсани ўзгартирмадим. Рақамим менга омад олиб келсин!

Рейтинг: +48   

Фикрлар

championat.asia
< сўнгги янгиликларни кўриш
Яндекс.Метрика