Жамоа бир оилага айланиши керак ёхуд "Бухоро" футболчисининг кейинги манзили қаер?

Жамоанинг таркибида ўзгаришлар етарлича. Айни пайтда жамоа билан бирга машғулотларда иштирок этаётган Анвар Жўраев кейинги тақдири ва бошқа жамоалардан таклифлар ҳақида фикрларини билдириб ўтди. 

- "Бухоро" жамоасида айни пайтда янги мураббий ва янги футболчилар иштирок этмоқда. Клубдаги тақдирингиз қандай кечиши мумкин?

- Ҳозирча ўзимизнинг базамизда шуғулланмоқдамиз. Янгидан жамоа шаклланмоқда. Бу йил шартномам якунланади. Ҳозирча жамоада қоламанми ёки йўқми, билмайман. 

- Ҳаким Фузайлов билан бу борада гаплашдингизми?

- Мураббий билан гаплашиб олдим. Айни пайтда шу ердаман. Уларга янги таклифлар бўлса ўйлаб кўришимни айтдим. 

- Таклиф билан чиқаётган жамоалар Суперлигадан ёки Про лигадан?

- Бироз кутиб якуний қарорга келаман. Ушбу фикримни раҳбариятга ҳам айтдим. 

- "Бухоро" нимани ўзгартириш эвазига Суперлигага чиқиши мумкин?

- Жамоада яхши савиядаги футболчилар йиғилган. Таркиб янада кучайтирилиб бир оилага айлантирилса, мақсадга эришса бўлади. 

- Аввалги йилгидан қарздорликлар йўқми?

- Қарздорликлар бор. Яқин кунларда ҳал қилишлигини маълум қилишди.