UZ

Сўнгги янгиликлар

15:19Меҳди Тареми: "Ёмон воқеалардан сабоқ олиш сизни ривожлантиради"  4 15:00U-23 Осиё Кубоги саралаш босқичи. Ўзбекистон Фаластин билан муҳим ўйинда қатнашмоқда (онлайн ҳисоб)  19 14:51Тонали Гаттузо ҳақида: "У менга айтган ҳамма нарсани қадрлайман"  0 14:23Ла Лигада август ойининг энг яхши мураббийи маълум  0 13:40"Атлетик" футболчиси антидопинг қоидасини бузгани учун 10 ойга дисквалификация қилинди  1 13:11Инфантино Эрон АҚШдаги ЖЧда қатнашишига кафолат берди  3 12:45Эшитдик-да! "Бунёдкор" "Олимпия" стадионида ўйнайди  9 12:21"Истиқлол" бош мураббийи Ашурматов ва Машариповнинг жароҳати ҳақида тўхталди  1 11:52Жанни Инфантино: "Шавкат Мирзиёевнинг футболга бўлган муҳаббати сўнгги икки йил ичида янада кучайганини кўриб хурсанд бўлдим"  4 11:25Эронлик эксперт: "Юсуфи майдондан тўғри четлатилди, Алижонов ва пенальти бўйича қарор ҳам ўринли, бироқ..."  44 10:41Испания терма жамоаси ҳужумчи бир ойга сафдан чиқди  1 10:05Луис Суарес Лига кубоги финалида рақибига тупургани учун МЛСда учта ўйинга дисквалификация қилинди  5 09:38Расман. АПЛдаги илк истеъфо содир бўлди  9 08:55Бугун U-17 терма жамоамиз Марокашга қарши майдонга тушади  5 08:26Бугун Ўзбекистон U-23 терма жамоаси Осиё кубогига йўлланма олиши мумкин  13

Жалолиддин Машарипов: "Катанец билан бундай ҳолат рўй бериши биринчи марта эмас" Янгиликлар

Жалолиддин Машарипов: "Катанец билан бундай ҳолат рўй бериши биринчи марта эмас"

Ўзбекистон терма жамоаси етакчиларидан бири Жалолиддин Машарипов ОАВ вакилларига интервью берди.

"Рақибларни ҳурмат қилган ҳолда айтишим мумкинки, қуръа ташланган пайтда шу ўйинларни кўпроқ кутгандик, биз ҳам, мухлислар ҳам. Худо хоҳласа, шу кунлар келди. Ҳамма яхши кайфиятда ва болалар бирма-бир етиб келишяпти. Йигитлар олдинги йиғиндан кўра яхшироқ формада, чунки аксарият футболчилар клублари сафида ўйинларда қатнашмоқда. Ҳамма болалар тайёр деб айта оламан. БАА билан ўйинда кўпроқ Бразилияга қарши ўйнаймиз десак ҳам бўлади. Чунки уларда аслида бразилиялик, аммо маҳаллийлаштирилган футболчилар тўп тепишмоқда.

Эрон терма жамоасини кучсиз деб айтолмайман, лекин улар бизни қаттиқ ҳурмат қилади, биз уларни бунга мажбур қилдик деб айтоламан. Худо хоҳласа, Эрон билан баҳсда чиройли ўйин кўрсатиб, уйимизда 3 очкони қўлга киритишга ҳаракат қиламиз. 

Терма жамоа бош мураббийи билан бундай ҳолат рўй бериши биринчи марта эмас. Буни олдиндан билардик. Баъзида сал мазаси бўлмай туради. Футболчилар бу каби ҳолатларга тайёр, чунки 3 йилдан бери бирга ишладик. У биздан нимани хоҳлашини жуда яхши биламиз. Ўйлашимча, ҳозирги вақтда терма жамоада Сречко Катанец бўлмаса-да, у биздан нимани талаб қилишини тушуниб ўйнаймиз. Болалар буни автоматик равишда амалга оширади. Терма жамоага кимнидир олиб келиш керак дейилса, бунга қаршилик қиламан. Биз олдин гол уролмаган ва ютолмаган термаларга қарши муносаб ўйнаб, керакли натижага эришиб келмоқдамиз деб ўйлайман. Катанец олдимизда бўлмаса-да, у биз билан доимий алоқада", – деди Машарипов.

Эслатиб ўтамиз, Ўзбекистон ЖЧ-2026 учинчи саралаш босқичи 3-тури доирасида Эронга қарши баҳс олиб боради. Беллашув 10 октябрь куни "Бунёдкор" стадионида 19:00 да бошланади.

Тимур Кападзе: "Сречко Катанецга соғлиқ тилаймиз. Ўйлайманки, ассистентлар бу вазиятдан чиқиб кетади"

Рейтинг: +23   

Фикрлар

championat.asia
< сўнгги янгиликларни кўриш
Яндекс.Метрика