Италияда жиноятчи ўзини Андрей Шевченко деб таништирди
10 мар 2019 15:25
Янгиликлар

Италияда жиноятчи ўзини Андрей Шевченко деб таништирди

Италиянинг Боскореале шаҳри полицияси қуёш батареяларини ўғирламоқчи бўлган шахсни қўлга олиб, унга уй қамоғи жазосини тайинлайди.

Бироқ, у бошқа шаҳарга қочиб кетиб, яширинишга уринади.

Маҳаллий полиция бир неча кунлик қидирувлардан сўнг, жиноятчини маст ҳолда топади. Суриштирувлар натижасида асли келиб чиқиши польшалик бўлган муҳожир полиция зобитларига ўзини “Милан”нинг собиқ ҳужумчиси украиналик Андрей Шевченко дея таништиради.

Маълумот ўрнида, Андрей Шевченко 1999-2006 ҳамда 2008-2009-йилларда "россонери"лар шарафини ҳимоя қилган. 2004-йилги “Олтин тўп” соҳиби “Милан” сафида 322 ўйинда майдонга тушиб, 175 бора рақиблар дарвозасини ишғол қилган ва 27та голли узатмани ўз ҳисобига ёзиб қўйганди. Шева 2012-йил бутсаларини михга илган.

Ҳавола :

Манба : dynamomania.com

Янгиликларни Телеграмда ўқинг!

Рейтинг: +4