Испания Чемпионати. 33-тур. Энг муҳим воқеалар таҳлили

"Барселона" 2008 йилдан буюн энг ёмон мавсумини ўтказяпти

Чемпионлар Лигасидаги юришини тўхтатганидан уч кун ўтиб, "Барселона" Испания чемпионлиги учун имкониятларини ҳам бирдан пасайтириб юборди. Кутилмаганда ушбу турда "Гранада"га мағлуб бўлди. Пике, Пуйол, Бартранинг жароҳатлари сабаб каталонияликлар Гранадага биргина марказий ҳимоячи - Маскерано билан йўл олди. Шундай қийин вазиятда Тата Мартино негадир икки асосий қанот ҳимоячилар - Дани Алвеш ва Хорди Албага дам олиш имконини беришга қарор қилди. Улар ўрнига қанотларда Монтоя ва Адриану ҳаракат қилишди. Умуман олганда, уларнинг ҳар иккиси ҳам марказий ҳимояда ўйнай оларди.



Бироқ Мартино ундан кўра Бускетсдан марказий ҳимоячи ясаб олишга қарор қилди. Бускетснинг жойига эса Снгни туширди. Бу эса "Барселона"нинг ҳужум ташкил қилиш имкониятларини кескин пасайтирди. Чунки одатда Бускетс ўйинга ритм берар ва ўз позициясида алмаштирилмас ҳисобланади. Сонг эса ўйинни жуда ёмон ўтказди ва энг паст баллни айнан у олди ўйин учун. Айнан Сонг марказда тўпни йўқотиши натижасида "Гранада" ўйиндаги ягона голни киритиб, "кўк-анорранглилар"ни чемпионлик пойгасидаги жуда муҳим уч очкодан айирди.

Ўйинда тўпга эгалик қилиш бўйича 86 фоизлик кўрсаткич қайд этган бўлса-да, голга тортадиган вазиятларни жуда кам яратди. Жамоа "Атлетико"га қарши жуда катта босимли ўйинни ўтказганидан кейин ҳали ўзига тўлиқ келиб улгурмагани, "Гранада" эса аксинча, бу ўйинга бир ҳафта кучли тайёргарлик кўргани яхши сезилиб турди.



Бу ўйиндаги дуринг натижа ҳам "Барселона" чемпионлик масаласини ҳал қилишни ўз қўлида қолишига имкор берарди. Чунки шундай бўлган тақдирда улврнинг очкочи "Реал"ники билан тенглашган бўларди ва ўзаро ўйинлардаги устунлик эвазига "Барселона" юқорироқда турарди. "Атлетико"га қарши сўнгги турда ғалаба қозонилган тақдирда эса эса чемпионликни қўлга киритиб кетишлари мумкин бўларди.

Бироқ бу турдаги мағлубият ҳаммасини ўзгартириб юборди ва айнан шу муваффақиятсизлик жуда-жуда қимматга тушиши мумкин. Энди қолган барча ўйинларни ютиб ҳам учинчи ўринда қолиб кети ши мумкин. Чемпионлик учун эса рақиблар омадсизлигидан умид қилишига тўғри келади.


"Реал" каталонияликлардан илгарилаб кетди

"Барса"нинг мағлубиятидан рухланиб кетган "Реал"  ўз майдонида "Альмерия"ни қийинчиликсиз мағлуб этди. Жароҳати сабаб майдонга Криштину Роналду туша олмади. Шундай бўлса-да, жамоадошлари чемпионатнинг 19-ўринидаги жаомага қарши баҳсда португалиялик юлдузнинг йўқлигидан ортиқча жабр чекишмаганини таъкидлаш керак. Шу куни Ди Мария ажойиб ўйин кўрсатди. Доимий равишда жамоадошлари учун вазиятлар яратиб турди ва ўзи ҳам кутилмаган нуқталардан зарбалар йўллаб турди. Оҳир-оқибат айнан аргентиналикнинг ўзи айланма траекториялик зарбаси билан ҳисобни очди.



Иккинчи бўлимда Бензема Димария билан девор услубида тўп узатишини амлага ошириб, Бейлни зарба йўллайдиган вазиятга олиб чиқишди ва уэлслик қимматбаҳо йигит адашмади - 2:0. Кейин эса Иско яқин бурчакка йўллаган кутилмаган зарбаси билан дарвозабонни айлдаб қўйиб, тўпни тўрдан олиб чиқишга мажбур қилди. Ўйиннинг сўнгги 20 дақиқасида ҳаракат қилган Мората ҳам яхши таассурот қолдирди ва муносиб равишда ўз голини ҳам киритди - 4:0. "Реал" турнир жадвалида "Барселона"дан бир очкога илгарилаб кетди. Бироқ ҳамшаҳарларидан ўзиб кетишлари  учун уларнинг мағлубиятини кутишга мажбурлар. 5тагина ўйин қолган буёғига...




Диего Костанинг қонли голи

Хетафедаги ўйинда "Атлетико" чемпионлик учун яна бир дадил қадам ташлади. Сафардаги ўйинда 2:0 ҳисобидаги ишончли ғалабага эришди. Диего Симеоне яна ўз услубида ғалабага эришди. Рақиб ўйинини кучли прессинг орқали ўлдириб, қарши ҳужулар ва стандарт қазиятлардаги аниқлик эвазига навбатдаги уч очкони ўзиники қилди. "Атлетико" марказий ҳимоячиларининг бурчак тўплари вақтида рақиб жарима майдонида пайдо бўлиши "Хетафе" учун ҳақиқий бош оғриққа айланди. Годин шундай вазиятлардан бирида боши билан билан йўллаган зарбаси орқали ўз ҳисобига гол ёзиб қўйди. Бошқа бир марказий ҳимоячи - Миранда кейинги бурчак тўпидан сўнг пенальти ишлади. Бироқ уни Диего Коста голга айлантира олмади.

Балки уни дарвоза ортида, трибунианинг биринчи қаторида ўтирган мухлис чалғитгандир. Коста 11 метрлик жарима тўпини амалга ошириш учун тўпга яқинлашган паллада, "Хетафе" мухлиси майдонга тескари ўгирилиб олиб, иштонини туширди. Кейин Диегу зарба берди. У қадар аниқ чиқмаган зарбани дарвозабон қайтарди.

Муҳлиснинг қилиғини Диего кўрдими, йўқми, бир нима дейиш қийин. Бироз муддат ўтиб "Атлетико" ҳужумчиси майдонни тарк этди. Аниқроғи уни кўтариб олиб чиқиб кетишди. Футболчи жамоасининг ўйиндаги иккинчи голини уриш вақтида жароҳат олди. Тўпурар Адриану узатган тўпни иўрга жойлаб қўйиш учун дарвозанинг узоқ устуни томон оёғини узатди. Тўп тўрга, оёқ эса устунга аниқ борди. Коста гетрисини ечганида ундан қон оқаётганди.



Умуман олганда, "Атлетико" чемпионликни қўлга киритиши учун қолган 5 турнинг 4тасида ғалаба қозониши етарли. Агар у кейинги тўрт ўйинни ўз фойдасига ҳал қила олса, сўнгги турда "Барселона"га қарши ўйинда майдонга мамлакат чемпиони сифатида тушиши ҳам мумкин.

Аброр Қодиров тайёрлади