Ислом Тўхтахўжаев: "Орқадан пенальти йўққа ўхшади"

Ушбу турда "Бунёдкор" ўз уйида "Локомотив" жамоасига қарши баҳс олиб борди ва 1:2 ҳисобида имкониятни бой бериб қўйди. Қизиқарли кечган баҳсдан сўнг, "Локомотив" жамоаси ҳимоячиси Ислом Тўхтахўжаев ўз фикрларини билдириб ўтди.

"Ташқаридан қандай кўринди билмадим, лекин майдон ичида жуда ҳам қизиқарли ўйин бўлди. "Бунёдкор" жамоаси ҳам ҳимояга ётиб олмасдан ҳужумкор ўйин кўрсатди. Кўпроқ омад бизга кулиб боқди. Биринчи бўлим тенг курашлар остида ўтди. Иккинчи бўлимда ўйин тизгинини ўз қўлимизга олдик. Ҳар бир ўйинда вазият яратяпмиз, аммо, уларни голга айлантира олмаяпмиз. 

"Бунёдкор"га қарши ўйинда пенальтидан бўлса ҳам гол урдик. Анвар Ғофуров Марат Бикмаевни тўхтатиб қолган вазиятни кўрмай қолдим. Қанот ҳаками пенальти борлигини тасдиқлади. Орқадан пенальти йўққа ўхшади. Барчаси қанот ҳакамига кўриниб турганди", - дейди Ислом Тўхтахўжаев

Жаҳонгир Сотволдиев ёзиб олди