Ион Марин: "Бундай об-ҳавода ўйнаш осон эмас"

"Кеча айтганидек ўйин қийин бўлди. "Локомотив" сафида янги футболчилар келгани уларга фойда берди", - деб гап бошлади Иор Марин.

"Ўз навбатида бутун ташкилотчиларга раҳмат айтмоқчиман. Бугун майдон юқори сифатда эди. Футболчиларимга миннатдорчилик билдираман, бундай об-ҳавода ўйнаш осон эмас.

"Локомотив" бугун бор кучи билан ўйнади, чунки уларда битта имконият бор эди. Шуларни инобатга олиб жамоам тайёргарлик кўргандик. Қарши ҳужумларда гол уришга муваффақ бўлдик. Иккинчи голда ҳам стандарт вазиятдан унумли фойдалниб тўп киритдик.

Ҳимоядаги ўйинимиз менга ёқди. Ўтган мавсумда 116та гол ургандик.

- "Ал Қодисия" кеча 4:0 ҳисобида ғалаба қозонди. Бу сизларга бугун яхши таъсир қилгандир?
- (Кулади). Улар бизни душманларимизку. "Қодисия"дан чемпионликни тортиб олгандик.

- Ўйин бир кунга қолдирилгани сизларга ёрдам бердими?
- ОФКга ўйинни қолдиришга рухсат бергани учун раҳмат айтмоқчиман. Сабаби кечаги шароитда биз ҳам, "Локомотив" ҳам футбол ўйнай олмасди.