"El Mundo Deportivo" хабарига кўра, "Интер" ижара учун "Барселона"га 3 миллион евро ва кейинчалик футболчини 15 миллион еврога сотиб олишни таклиф қилган. Бироқ "Барселона" ушбу трансфердан камида 20 миллион евро ишлаб олишни режалаштирмоқда.
Ушбу мавсумда Видаль "Барселона" таркибида 20 ўйинда 6 гол урди ва бир бора ассистент бўлди. Олдинроқ "Интер" спорт директори Жузеппе Маротта клуб Видалга қизиқиш билдираётганини тан олганди.
