"Интер" ва "Галатасарой" Чалханоглу трансфери бўйича музокараларни бошлади

Аввалроқ, туркиялик хавбек ва унинг жамоадошлари ўртасида зиддият юзага келганди.

Клублар ўртасидаги жаҳон чемпионати 1/8 финалидан ўрин олган "Интер" - "Флуминенсе" (0:2) ўйинидан сўнг Лаутаро Мартинес шундай деди: "Мурожаат оддий: қолишни хоҳласангиз - қолинг, хоҳламасангиз - кетинг".

Клуб президенти Беппе Маротта Лаутаро Чалханоглуга мурожаат қилганини айтди. Миланликлар бош мураббийи Кристиан Киву вазиятни ҳал қилиш учун фавқулодда йиғилиш ўтказди.

Чалханоглу "Интер" сафида 2021 йилдан буён ўйнаб келмоқда. 31 ёшли ярим ҳимоячи ўтган мавсум клуб сафида барча мусобақаларда 47 та ўйинда майдонга тушиб, 11 та гол урди ва 8 та голли узатмани амалга оширди.