Ильзат Ахметов: “Бельгия терма жамоаси даражасида ўйнашга ҳаракат қилиш лозим”

“Дунёнинг энг яхши жамоаларига қарши ўйнаганингда, даража кўринади. Худди улардек даражада ўйнаш лозим. Хатоларга эса йўл қўймаслик керак. Улар бугун хатоларимиз учун бизни жазолади. Ўйинни назорат қилиш бошни кўтариб прессинг қилиш борасида топшириқ бўлганди. Баъзан ўхшади, баъзан эса унчалик ҳам эмас. Эден Азар — ҳақиқатда катта ўйинчи. Унга қаршилик кўрсатиш жуда қийин. Унда юқори тезлик бор. Уни бартараф қилиш эса осон эмас”—дейди Ахметов.