Икром Алибоев: "Бу "Локо"нинг сўнгги йиллардаги энг ёмон таймларидан бўлди"

"Ўйин биз учун қийин бўлди. Балки, бу фаолиятимдаги энг қийин ўйинлардан биридир. Жамоа бугун биринчи бўлимда энг ёмон ўйинларидан бирини кўрсатди. Иккинчи бўлимда ўзимизни қўлга олдик ва иккинчи голни кирита олдик. "Насаф"га қарши ўйиннинг биринчи бўлими - жамоамизнинг сўнгги йилларда ўтказган энг ёмон ўйини бўлди. 

Омад ҳисобига ютдикми? Албатта омад ҳам футболда кўп роль ўйнайди. Бироқ, омад ҳам кучлиларга кулиб боқади", - дейди Икром Алибоев.