Матбуот анжуманининг иккинчи қисмида "Олмалиқ" бош мураббийи Игорь Шквирин йиғилганларнинг саволларига жавоб бериб ўтди.
"Бугун ҳаммаси режадагидек кечди. Бунинг учун шогирдларимга раҳмат айтмоқчиман. Қизил карточкага қарамай ўйинни олдинда давом эттирдик. Шогидларимнинг ҳимояга “ётиб” олмагани ҳам яхши бўлди. Георгий Квесиешвилини жамоамизни тарк этган Евгений Гогольни ўрнига муносиб сифатида кўрдик ва жамоамизга олдик." - дея ўйин ҳақида дастлабки фикрларини билдириб ўтди Игорь Шквирин.
- Агарда миллий терма жамоадан таклиф тушса қабул қилар эдингизми?
Агар.. Агарларни четга суриб турайлик. Мен "Олмалиқ" бош мураббийиман ва таклиф қоғозда расман ўз тасдиғини топмагунча бу ерда ўз ишимни давом эттираман. Расмий таклиф тушадиган бўлса бу ишни бажара олишимни ёки бажара олмаслигимни ўйлаб кўраман.