Игорь Шквирин: "Келишилган ўйинларга қарши кураш бошландими, демак нимадир бор"

"Ўйинда рақибнинг тезкор қарши ҳужумлари бизни қийнаб қўйди. Бундай ўйнаб бўлмайди. "Динамо" футболчилари қарши ҳужумлардан фойдаланиб голлар уришди. Бундан ташқари қанот ҳимоячилари тўпни рақибдан олиб қўя олмаяпти, бу яхши эмас. Олдимиздаги қисқа танаффус бизга фойда бериши керак. Йигитлар билан ишлашда давом этамиз", - деб гап бошлади Игорь Шквирин.

- Ўзбекистонда келишилган ўйинлар ҳақида гап сўзлар кўпайиб кетди. Сизнингча бизда бундай ўйинлар борми?
- Баъзилар бор деяпти, баъзилар эса йўқ. Бизда келишилган ўйинларга қарши кураш ташкилоти ишга тушдими, демак нимадир бор. Барча ўз ишини қилиши керак, мен мураббийман, ишим футболчиларни ўйинга тайёрлаш. Журналистлар эса ўйин ҳақида ёзишлари керак, келишилган ўйинларга қарши курашаётганлар эса агар бизда шундай ўйинлар бор бўлса ўз ишлари билан шуғулланишлари керак.


Дамир Кабилов ёзиб олди.