Ҳожиакбар Алижонов: "Гол урганимдан хурсандман, лекин муҳими жамоамизнинг ғалабаси"
13 янв 2018 10:39
Янгиликлар

Ҳожиакбар Алижонов: "Гол урганимдан хурсандман, лекин муҳими жамоамизнинг ғалабаси"

Теглар : Ўзбекистон U-23 Ҳожиакбар Алижонов

Ўзбекистон U-23 терма жамоаси ҳимоячиси Ҳожиакбар Алижонов кеча Хитойга гол урганидан сўнг ўз фикрларини билдирди.

- "Ўйиндан олдин биз жуда қийин ҳолатда эдик, негаки биринчи учрашувда ютқазиб қўйгандик. Аммо руҳий тайёргарлик устида кўп ишладик. Бош мураббийимиз Хитойга қарши бор куч билан ҳаракат қилишимиз кераклигини уқтирди. Чунки бу жамоа гуруҳдаги энг кучли рақиблигини билардик".

- "Мен гол урганимдан хурсандман, лекин муҳими жамоамизнинг ғалабаси. Футболда гол уриш ёқимли, натижа эса ҳаммасидан муҳим. Биз ҳозир Уммонга қарши баҳс ҳақида ўйламаяпмиз. Мураббиймиз футболчиларга бир кун дам беришини, ана ундан кейин навбатдаги учрашувга тайёргарлик кўришимизни айтди", - дейди Алижонов ОФК расмий сайтига.