Ҳамиджон Актамов: "Бугун ҳужумчисиз ўйнашга қарор қилдим"

Ўйин ҳақида

- Бугун аламли мағлубиятга учрадик. Ўйин тенг курашлар остида ўтди. Бугун ғалаба қозонишимиз мумкин эди. Ўзимиз қулай вазиятлардан фойдалана олмадик. Кутилмаган жароҳатлар ўз таъсирини кўрсатди. Бу футбол, "Насаф" жамоасини ғалаба билан табриклайман.

- Мате Ватсадзенинг асосий таркибда туширилмаганлигининг сабаби нима?

- Ватсадзе 4 та турдан бери гол урмади. Шу сабаб бугунги ўйинда ҳужумчисиз ўйнашга қарор қилдим. У гол уролмаса ҳам ўйнатавермайманку! Шу услубни синаб кўрдик, барибир охирги 15 дақиқада қўйиб кўрдик. У ҳаракат қилди, барибир ҳужум чизиғи бўйича қийналаяпмиз. Бугун жамоавий тарзда ҳужумга ўтдик, худудларни ташлаб чиқдик, шу каби сабаблар орқали жазоландик.

- Гиорги Кухианидзенинг ўйини тобора очилиб бормоқда. Бугун у жароҳат туфайли майдонни эрта тарк этди. Кухианидзенинг жароҳати қанчалик жиддий?

- Ҳа, бу ҳақида менга айтишди. Озгина бошидан жароҳат олибди. Унинг ҳолатини яна кўриб чиқамиз.