Гвардиола: "Манчестер Сити" умрбод Давид Сильвадан миннатдор бўлади"
25 июл 2020 18:15
Янгиликлар

Гвардиола: "Манчестер Сити" умрбод Давид Сильвадан миннатдор бўлади"

"Манчестер Сити" бош мураббийи Хосеп Гвардиола олдинроқ жамоа билан хайрлашган Давид Сильва ҳақидаги фикрларини билдирди.

"Сильванинг фаолияти ноодатий. У иштирок этган ўйинлар сони, у совринларни ютишга ёрдам берган ўйинлар... Клуб умрбод ундан миннатдор бўлади", - дейди Гвардиола.

Давид Сильва 2010 йилнинг июлида "Манчестер Сити"га "Валенсия"дан 28,75 миллион евро эвазига ўтган.

Ярим ҳимоячи Англия клуби сафида жами 430та ўйинда майдонга тушиб, 76та гол ва 139та асссист қайд этди.

У шаҳарликлар сафида 4 бор АПЛ ғолиби, 2 бор Англия Кубоги соҳиби, 5 карра Лига Кубоги ғолиби ва 2 бор Англия Суперкубогига эга чиққан.

Ҳавола :

Манба : mancity.com

Янгиликларни Телеграмда ўқинг!

Рейтинг: +13