Goal.com: Заа ижара асосида “Ньюкасл”га ўтмоқчи
03 окт 2013 11:15
Янгиликлар

Goal.com: Заа ижара асосида “Ньюкасл”га ўтмоқчи

“Манчестер Юнайтед” ярим ҳимоячиси Уилфрид Заа қишки трансферлар ойнаси пайтида ўз клубини ўзгартирмоқчи.

21 ёшли Англия ёшлар терма жамоаси футболчисига “Ньюкасл”, “Суонси”, “Вест Бромвич”, “Сток Сити” клублари ва ўйинчини ижарага олишни истаётган собиқ клуби “Кристал Пэлас” клуби даъвогарлик қилаяпти. “Пэлас” футболчининг трансфери бўйича манкунианликларга сўров хати юборган, деб хабар беради Goal.com.

Таъкидлаб ўтамиз Англия Суперкубоги доирасида “Манчестер Юнайтед”нинг “Уиган”га қарши ўйинидан сўнг, Заа “қизил иблислар сафида” ҳалигача майдонга тушгани йўқ. Манбаънинг хабарига кўра, футболчининг ўзи “Ньюкасл”га ўтишни истамоқда.

Эслатиб ўтамиз, Англия чемпионлари ярим ҳимоячини 17 миллион фунтга сотиб олишган эди.

Ҳавола :

Манба : sports.ru

Янгиликларни Телеграмда ўқинг!

Рейтинг: