"Ғиждувон"нинг ўртоқлик беллашувлари ва трансферлари ҳақида

Баҳодир Шаймардонов шогирдлари ўқув-йиғин машғулотларини Ғиждувон ҳамда Тошкентда ўтказишди. Пойтахтдаги йиғин мобайнида назорат учрашувларига катта эътибор қаратилди. Унда Про-лига ва биринчи лига жамоаларига қарши синов-назорат ўйинлари ташкил қилинди. 

Ўртоқлик баҳслари рўйхати:

“Ғиждувон” – “Янгиер”  - 1:1

“Ғиждувон” – “Бухоро”  - 3:2

“Ғиждувон” – “Хоразм” – 2:2 

“Ғиждувон” – “Дўстлик” – 4:0

“Ғиждувон” – “Локомотив БФК” – 7:2

"Ғиждувон" - "Қизилқум-ФАРМ” - 2:0

"Ғиждувон" - "Қизилқум" U-21 - 3:1

"Ғиждувон" - "Машъал" - 1:1

Мураббийлар штаби ўтган мавсум таркибини сақлаб қолиш ва айрим чизиқларни кучайтиришга эътибор берди. Ўтган мавсумда "Ғиждувон" шарафини ҳимоя қилган кўплаб футболчилар клубни тарк этишди. Уларнинг ўрнига янгилар таклиф этилди.  

Шунингдек, жамоага Акром Баҳромов, Ислом Шодмонов, Жаҳонгир Исмоилов, Санжар Баротов, Сардор Сулаймонов, Нодир Ибрагимов, Солибек Каримов, Раим Обидов, Улугбек Худойбердиев, Ислом Исмоилов, Бегзод Комилов келиб қўшилди. Хусусан, 1998 йилда туғилган камерунлик футболчи Рикарду билан ҳам шартнома имзоланди.

Шу билан бирга, “Ғиждувон” клуби 9 футболчи билан хайрлашди — Дурбек Камалов, Жавоҳир Комилов, Мақсуд Маҳмудов, Бекзод Файзиев, Аббос Икромов, Асилбек Мирзаёров, Диёр Ашуров, Нодир Йўлдошев, Шерзод Кодиров.

Эслатиб ўтамиз, “Ғиждувон” 5 март куни Про лига дастлабки турида меҳмонда “Янгиер-Қурувчи”га қарши майдонга тушади.