Германиялик болалар футболи бўйича мутахассис “Шўртан” футбол клубига келди

Андрей Вайберт анча йиллар олдин ҳам Ўзбекистонга келиб, ўзбек футбол клубларига ўз тажрибаларини улашган. Бундан 10 йил аввал "Насаф" клубига ҳам ташриф буюрган. Хуллас ўзбек футболи ҳақида тасаввурга эга мутахассис ҳисобланади.

Германиялик футбол мутахассиси Ғузор туманида жойлашган “Шўртан” футбол клубига тегишли стадион, футбол акдемияси ва клубга тегишли инфратузилмалар билан яқиндан танишди. Академиямиз ва бош жамоамиз футболчилари, мураббийлари билан учрашди. Улар билан дўстона мулоқотда бўлиб, қизғин суҳбат олиб борди.

Андрей Вайберт 5-октябрга қадар жамоамиз билан бирга бўлади ва ҳозирги кунда Европа жамоаларида олиб борилаётган иш услуби билан яқиндан таништиради. Жумладан футболчиларга витаминизациялардан қайси пайтда қандай фойдаланиш, тўғри овқатланиш ҳақида тушунчалар беради. Бундай тушунчалар футболчиларга келажакда эҳтимолий содир бўлиши мумкин бўлган жароҳатларнинг олдини олишда ёрдам бериб, уларни доимо соғлом бўлишларига хизмат қилади.