Футзал. U-20 Осиё чемпионати. Бугун вакилларимиз чорак финал ўйинини ўтказишади
22 май 2017 12:26
Янгиликлар

Футзал. U-20 Осиё чемпионати. Бугун вакилларимиз чорак финал ўйинини ўтказишади

Теглар : U-20 Осиё чемпионати Ўзбекистон U-20

Таиландда футзал бўйича тарихда илк маротаба ўтказилаётган U-20 Осиё чемпионати давом этмоқда.

Бугун мусобақанинг чорак финал ўйинлари бўлиб ўтади. Ўзбекистон U-20 терма жамоаси "C" гуруҳида Ливан, Гонгконг, Мьянма ва Қатар ёшларини ортда қолдирган ҳолда биринчи ўрин билан 1/4 финалга йўл олган. Гуруҳимизда Ливан U-20 терма жамоаси ҳам биз каби 10 очко тўплади, лекин тўплар нисбати бизда яхшироқ бўлгани учун ливанликлар иккинчи бўлишди.

Чорак финалда Ўзбекистон U-20 терма жамоаси Мўғулистонга қарши кураш олиб боради. Учрашув Тошкент вақти билан 17:00да бошланади.

U-20 Осиё чемпионати
Чорак финал, 22.05.2017

14:00. Индонезия U-20 - Таиланд U-20
"Bangkok Arena"

14:00. Эрон U-20 - Ливан U-20
"Hua Mark Indoor Stadium"

17:00. Ироқ U-20 - Япония U-20
"Bangkok Arena"

17:00. Ўзбекистон U-20 - Мўғулистон U-20
"Hua Mark Indoor Stadium"

Хосе Мария Пазос Мендез шогирдлари бугун мўғулларни мағлуб этишса, ярим финалда Ироқ ва Япония ёшлари жуфтлиги ғолибига қарши кураш олиб боришади.

Эслатиб ўтамиз, ушбу мусобақанинг ғолиби ва финалчиси 2018 йили ўтказиладиган ёшлар ўртасидаги (U-18) Олимпия ўйинлари футзал мусобақасига йўлланма олади.