Футзал. Ойбек Абдураҳмонов: "Уй-сафар тизимини жорий қилиниши футзал жамоаларининг янада кучайишига олиб келади"

- Ойбек ака, бугунги қўлга киритилган ғалаба билан табриклаймиз.   Кечаги учрашувдан фарқли равишда равишда бугун “Сўғдиёна” футзал жамоаси ғалаба қозонди.   Кеча мағлубият ва бугун эса худди шу жамоа устидан ғалаба. Буни қандай изохлайсиз?
- Биз кечаги мағлубиятдан тўғри хулоса чиқардик. Кечаги ўйинда қўл қўйган хатоларимизни таҳлил қилиб чиқдик, йўл қўйган камчиликларимиздан хулоса чиқардик. Иккинчи ўйинга таркибимизда ҳам ўзгариш қилишга мажбур бўлдим. “Нефтчи” футзал жамоасига қарши янги тактика билан бугунги ўйинда майдонга тушдик ва бу самара берди деб ўйлайман.    

- Бу мураббийнинг шогирдларини ўз вақтида руҳлантира олганлигидан далолатми?
- Ҳа, менимча шундай, хатолар устида ишладик ва ғалаба қозондик.  

- “Сўғдиёна” футзал жамоасига ёш ўйинчиларни саралаш, селекция ишлари ҳақида гапириб ўтсангиз...
- Биз Жиззах вилоятида ўтказилган иккинчи лига баҳсларидан ёш иқтидорли ўйинчиларни мавсум бошида таркибимизга жалб этдик. Таркибимиз асосан ёш маҳаллий футболчилардан иборат.

- Мавсум давомида ҳам ёш иқтидорли футболчиларни таркибга жалб этиб борасизларми?
- Ҳа, биз доимий равишда ёш футболчиларни кузатамиз, улар орасидан иқтидорлиларини таркибимизга жалб этамиз.  Бизга эътибор бериб, шароит яратаётганликлари учун  “Сўғдиёна ” клуби раҳбариятига, ЎФАга, ПФЛга амалга оширилаётган ислоҳотлар учун миннатдорчилик билдираман. Футзалда уй-сафар тизимини жорий қилиниши футзал жамоаларини янада кучайишига олиб келади.      

Бекзод Толибов ёзиб олди.