Футзал. Бугун Ўзбекистон Кубогининг ярим финал учрашувлари ўтказилади

Ушбу кун пойтахтнинг “Ўзбекистон” спорт мажмуасида “Ўзсаноатқурилишбанк” – “Дўстлик” ҳамда “Максам-Чирчиқ” – “Локомотив” жуфтликлари ўртасида кураш боради. Учрашувлар мос тарзда соат 13:00да ва 15:00да бошланади.

Айтиш жоиз, Ўзбекистон Кубогинининг чоракфинал баҳсларида “Ўзсаноатқурилишбанк” вакиллари қаршининг “Насаф” жамоасини пенальтилар сериясида мағлуб этди – 5:5 (6:5). Қаршининг яна бир жамоаси бўлмиш “Дўстлик-AIN” эса, “Бунёдкор” устидан 3:1 ҳисобида ғалабани нишонлади.

Таркибида кўпгина тажрибали футзалчиларга эга бўлган чирчиқнинг “Максам-Чирчиқ” жамоаси ярим финал йўлланмасини “Когон”ни 5:1 ҳисобида мағлуб этиб, қўлга киритди. Ва ниҳоят, чоракфиналнинг оҳирги беллашувида “Локомотив” “Ардус”ни 4:0 ҳисобида енгди ва ярим финалга чиқишга муваффақ бўлди.


Ўзбекистон Кубоги:
Ярим финал
13 февраль, пайшанба
13:00. Ўзсаноатқурилишбанк – Дўстлик-AIN
15:00 Максам-Чирчиқ - Локомотив