Фернандо Торрес бошидан жиддий жароҳат олди ВИДЕО

32 ёшли ҳужумчи тўп учун ҳавода рақиб ярим ҳимоячиси Алекс Бергантинос билан курашдан сўнг ерга боши билан ноқулай йиқилди ва ҳушидан кетди. Клуб шифокорлари бир неча дақиқа мобайнида футболчига тиббий ёрдам кўрсатишди ва кейинчалик уни замбилда майдондан олиб чиқиб кетишди.

Маълум бўлишича, Торрес трибуна остида ҳушига келган. У тезликда шифохонага етказилган ва ушбу тунни у шифокорлар назорати остида ўтказади. Айни пайтда футболчининг ҳолати яхшилангани қайд этилган.