"Фенербахче" ЛаЛига, А Серия ёки бошқа чемпионатда иштирок этмоқчи

"Фенербахче" 3:2 ҳисобида ғалаба қозонган Суперлиганинг 30-тур ўйинида "Трабзонспор" ишқибозлари майдонга тушиб, ғолиб жамоа вакилларига ҳужум қилган эди. 18 март куни Туркия Ички Ишлар вазири 12 нафар шахс қўлга олинганини эълон қилди.

"Фенербахче" матбуот хизматининг маълум қилишича, 2 апрель куни директорлар кенгашининг навбатдан ташқари йиғилиши ўтказилиб, унда воқеага оид бўлган ишлар кўриб чиқилади. Улар орасида Суперлигани тарк этиш масаласи ҳам бор.

Маълумотларга кўра, клуб раҳбарияти Бельгия, Испания, Итлия, Нидерландия ёки Франция чемпионатига ўтишни кўриб чиқади.