Фарҳод Тожиев: «Про лигада камида 20-25 та гол уришни мақсад қилганман»
21 апр 2018 10:54
Янгиликлар

Фарҳод Тожиев: «Про лигада камида 20-25 та гол уришни мақсад қилганман»

Про-лиганинг 3-турида Термизнинг "Сурхон" жамоаси Нукусда "Орол"ни йирик 4:1 ҳисобида таслим қилди. Биз учрашувдан сўнг меҳмонлар ҳужумчиси Фарҳод Тожиев билан суҳбатлашдик.

- Учрашув ҳақидаги фикрларингиз?
- Учрашув жудаям оғир бўлди. Нимага деганда 4 кун олдин табиий майдонда тўп сурган эдик. Бугун эса суниий майдонда тўп сурдик. Учрашув осон бўлмади, қийин кечди. Жамоадошларимга катта раҳмат айтаман. Нукуслик мухлисларга эса алоҳида ташаккур. Улар захирага чиқаётганимда қарсаклар билан кузатиб қўйишларини кутмагандим. Умуман олганда учрашув кескин кечди. Иккала жамоа ҳам яхши ўйин кўрсатди. Омад сал бизлар томонимизда бўлганидан, имкониятлардан унумли фойдаландик.

- Ўйининггиздан кўнглингиз тўлдими?
- Кўнглим тўлгани йўқ. Суниий майдон эски жароҳатларни ҳаммасини қўзғатади. Шунга озгина оғриқ сезганим учун ҳам ўйинимдан кўнглим тўлмади.

- Бу йилги мақсадингиз қанақа? Нечта гол уришни режалаштиряпсиз?
- Мақсадимиз доимо юқори. Тўпурар бўлишни режалаштиряпман. Жамоамиз билан биргаликда Суперлигага чиқишни мақсад қилганмиз.

- Ўзингиз нечта гол уришни режалаштиряпсиз?
- Қўлдан келганча кўпроқ албатта. Камида 20-25 та гол уриш ниятим бор.

Фурқат Юсупов суҳбатлашди