Фарғона вилояти ҳокими: “Нефтчи” келаси мавсум олтин медаллар учун курашади. Бунинг учун жамоани ҳар томонлама қўллаб-қувватлашда давом этамиз"

Фарғона вилояти ҳокимияти матбуот хизмати вилоят ҳокими Хайрулло Бозоровнинг мавсумни якунлаган "Нефтчи" клубига йўллаган табригини эълон қилди. Ушбу табрикда Хайрулло Бозоров "Нефтчи" клуби кейинги мавсум ҳам олтин меддаллар учун курашишини маълум қилган.

"Севимли “Нефтчи” жамоамиз футболчиларига, бош мураббий Виталий Левченкога, жамоанинг барча мутасаддиларига мавсум давомидаги ёрқин ўйинлар ҳамда чемпионатнинг сўнгги дақиқаларига қадар мухлисларга тақдим этилган ҳаяжонли онлар учун миннатдорчилик билдираман.

Ўзбек футболида ўз ўрнига ҳамда энг содиқ мухлисларга эга “Нефтчи” жамоаси, Худо хоҳласа келгуси мавсумда Суперлигада янада муносиб қатнашиб, олтин медаллар учун кураш олиб боради. Бунинг учун “Нефтчи”ни ҳар томонлама қўллаб-қувватлашга давом этамиз."

Хайрулло Бозоров, Фарғона вилояти ҳокими