Фабиу Коэнтрау ЖЧ-2018га бормасликка қарор қилди
15 май 2018 02:26
Янгиликлар

Фабиу Коэнтрау ЖЧ-2018га бормасликка қарор қилди

Лиссабоннинг “Спортинг” клуби ҳимоячиси Фабиу Коэнтрау жаҳон чемпионатида иштирок этмасликни лозим топди.

“Оғир кечган мавсумдан сўнг ўзимни яхши спорт формада эмаслигимни хис қилиб турибман. Мен бу ҳақда терма жамоа мураббийларини ҳам огоҳлантирдим. Ҳеч қачон ўз мамлакатимдан юз ўгирмайман. Лекин ҳозирча шундай қилишга мажбурман. Россияга мухлис сифатида боришни истамайман”, – деди Коэнтрау.

Маълумот учун, Фабиу Коэнтрау 2009 йилдан бери Португалия терма жамоасига мунтазам равишда чақириб келинмоқда. Роналду жамоадошлари ЖЧ-2018да Испания, Марокаш ва Эрон терма жамоалари билан бир гуруҳдан жой олган.