UZ

Сўнгги янгиликлар

01:34"Лочин" устози Сардор Тўхтаев: "Йигитларимиз футбол ўйнашни исташса, Суперлиганинг исталган жамоасига қийинчилик туғдиришимиз мумкин"  3 01:23"Манчестер Сити" Виртцни сотиб олиш бўйича "Байер"га таклиф жўнатди  0 01:01Де Брюйненинг агентлари футболчининг хизматларини "Реал"га таклиф қилди  3 00:43Анчелотти Бразилия термасида Кака билан ишламоқчи  0 00:25Камолиддин Тожиев: "Пахтакор" ҳамма фронтда олий мақсад қўяди. Кўп гол ўтказаётганимиз мени безовта қилмоқда"  3 00:11"Пахтакор"нинг бразилиялик легионери ярим йилга сафдан чиқди  1 23:52Рўзиқул Бердиев: “У биз учун қиммат футболчи эмас, арзон футболчи“  10 23:20U21 биринчилиги. Водий дербисида дуранг, "Динамо"га техник мағлубият ёзилди ва бошқа натижалар (ЖАДВАЛ)  0 22:47“Динамо“га қарши учрашувдан сўнг мезбонлар устози қисқа фикр билдирди  8 22:28"Навоий ФА" бош мураббийи Даврон Турсунов: "ОКМКнинг энг зўр спорт формадаги пайтига тўғри келиб қолдик"   3 22:09Марат Мифтахутдинов: “Абрамов касал бўлиб қолгани сабабли Андижонга кела олмади“  2 21:38Миржалол Қосимов: "Охирги тур олдидан ҳеч нарса маълум эмас эди. Шу сабабли деярли асосий таркибни майдонга туширдик"  6 21:24Амалдаги чемпион ва кубок соҳиби Ўзбекистон кубоги гуруҳ босқичида қолиб кетди  47 21:02Ўзбекистон Кубоги. "Насаф" "Пахтакор"га мағлуб бўлиб, гуруҳда қолиб кетди. "Лочин" бу сафар "Сурхон"ни мағлуб этиб, кейинги босқичга йўл олди  191 19:57"Рома" асосий футболчиси билан шартномани узайтиришга уриниб кўради  2

"Евро-2024"даги энг даҳшатли вазият: юз суяклари синиб кетган Варга учун мусобақа тугади — олдинда ҳаёт учун кураш Янгиликлар

"Евро-2024"даги энг даҳшатли вазият: юз суяклари синиб кетган Варга учун мусобақа тугади — олдинда ҳаёт учун кураш

Бир неча йил аввал Кристиан Эриксен билан юз берган воқеа ёдингизда бўлса ажабмас.

Ўшанда Дания термаси етакчиси Евро-2020нинг (ковид туфайли мусобақа 2021 йилда ўтказилганди) илк турида Финляндияга қарши беллашувда ҳушини йўқотган ва юраги уришдан тўхтаб қолганди. Майдоннинг ўзида клиник ўлимни бошдан кечирган Кристианга биринчи тез тиббий ёрдам кўрсатилган ва ҳаёти сақлаб қолинганди.

Якшанба оқшомида футбол олами яна шу каби "шок" ҳолатига тушди. Евро-2024 "А" гуруҳидан плей-оффга кимлар чиқиши ҳал бўлаётган муҳим паллада Штутгарт шаҳридаги майдондаги ҳеч бир футболчи ўзини аяб ўтирмаслигини тахмин қилиш қийин эмасди. Бироқ бу каби шижоат футболчилардан бирига қимматга тушишини ҳеч ким билмасди. 

Учрашувнинг 68-дақиқасида венгриялик форвард Барнабаш Варга бошидан зарба қабул қилиб олди ва майдонга қулади. 


Дарҳол Варгани ширмалар билан телекамера ва мухлислардан беркитишга ҳаракат қилишди. Бу ҳолатда Варганинг ҳолати ҳақида тасаввур пайдо бўлиши учун қолган футболчиларнинг реакцияларига эътибор қаратиш етарли, назаримизда. Бир неча дақиқадан сўнг футболчини кислород маскаси ёрдамида майдондан олиб чиқиб кетишди.

Ўйин давом эттирилди, бироқ форвард майдонга қайта олмаслиги деярли барчага маълум эди. Шунинг учун ҳам яна бир неча дақиқа майдондагилар ҳам карахт ҳолатда ҳаракат қилишди.

Венгрия терма жамоаси вакиллари жамоадошининг ҳаракатлари бекор кетмаслиги учун астойдил ҳаракат қилишди. Ўйиннинг охирги сонияларида ўйиндаги ягона голни Кевин Чобот урди. Венгрия терма жамоаси мухлислари томон югурган Чобот голни Варганинг футболкасини кўтарган ҳолатда нишонлади. 

Ушбу гол Европа чемпионатлари тарихидаги энг кеч урилган тўп сифатида тарихга кирди.

Венгрия футбол федерацияси ўйин якунланганидан бир неча соат ўтиб, Варганинг ҳолати бўйича расмий маълумот берди. 
"Барнабаш Варганинг ҳолати мунтазам стабил бўлиб турибди. Ҳужумчи Штутгартдаги шифохоналардан бирида ва ҳавотир олишга ўрин сабаб йўқ. Барчаси ортда қолди, деб умид қиламиз. Унинг ҳолати бўйича яна қўшимча маълумот пайдо бўлса, албатта биз бу ҳақида хабар берамиз".

Жамоа устози бу маълумотни тасдиқлади:
"Унинг ҳолати стабил эканлигини бизга ҳам маълум қилишди. Ҳозир у шифокорлар назоратида бўлиб турибди. Барнабашнинг юз суяклари синган. Катта эҳтимол билан у жарроҳлик столига ётишига тўғри келади. Ҳозир бир нарса аниқ Барнабаш учун "Евро" якунига етди. Аммо нима бўлса ҳам у билан барчаси жойида ва энг муҳими шу".

"Учрашувнинг энг яхши футболчиси" деб топилган Роланд Шаллаи ўйиндан кейинги матбуот анжуманида жамоа ғалабани Варгага бағишлашини маълум қилди:
"Барнабашни бу ҳолатда кўриш шунчаки даҳшат эди. Ҳозир унинг ҳолати анча яхши, лекин жарроҳлик амалиёти талаб қилинади. Унинг жароҳатидан кейин майдонда у учун ҳам курашдик ва ғалаба қозонишни жуда хоҳладик. Бу муваффақиятни унга бағишлаймиз".

"Твиттер"да Антуан Гризманн ва Франция терма жамоаси бу ҳолатни эътиборсиз қолдирмади ҳамда Варгани қўллаб-қувватлади. 




Қайд этиб ўтамиз, мағлубиятга учраган Шотландия 1 очко билан сўнгги поғонани банд этди. Венгрия эса (3 очко билан) учинчи ўринни эгаллади ва плей‑офф босқичига чиқиш имкониятлари анча юқори.

"Евро-2024"да Барнабаш Варга 3 та ўйинда майдонга тушди - Швейцария билан ўйинда (1:3) битта гол урди. Ўтган мавсум "Ференцварош" сафида марказий ҳужумчи 40 та ўйинда иштирок этди ва "гол+пас" тизимида "29+12" натижа қайд этди.

Муаллиф : Omonjon To`xtamirzayev
Рейтинг: +9   

Фикрлар

championat.asia
< сўнгги янгиликларни кўриш
Яндекс.Метрика