Эшитдик-да! "Бухоро" ўзбек футболи афсонаси билан келишувга эришди
20 май 2023 18:29
Янгиликлар

Эшитдик-да! "Бухоро" ўзбек футболи афсонаси билан келишувга эришди

Ёзги трансфер ойнаси ҳали бошланмасидан клублар аллақачон ҳаракатни бошлаб юборган.

Сайтимиз журналисти Абдулазиз Искандаровнинг хабар беришича, "Бухоро" ёзги трансферлар ойнасида ўзбек футболи афсонаси, тажрибали дарвозабон Игнатий Нестеровни ўз сафига қўшиб олиши аниқ бўлиб улгурган. Ўзбекистон терма жамоаси собиқ посбони жорий йилда ҳеч бир жамоа билан шартнома имзолагани йўқ.

Бош мураббий Улуғбек Бакаев кеча "Сўғдиёна"га қарши учрашувдан сўнг трансферлар борасида ҳаракат бошланганини айтиб, жамоани тарк этиши мумкин бўлган футболчилар борлигини яширмаган эди. Бундан сезиш мумкинки, клуб ёзда сербиялик дарвозабон Никола Стошич билан хайрлашади. Легионер кипер "Нефтчи" ва ундан олдинги ўйинларда йўл қўйган хатолари сабаб ўринбосарлар жамоасига ўтказиб юборилганди. Унинг ўрнини Нестеров эгаллайди.

Ҳавола :

Манба : championat.asia

Янгиликларни Телеграмда ўқинг!

Рейтинг: +10