EPLMANAGER: Сиз харид қилишингиз ва сотишингиз керак бўлган 5 футболчи 1-қисм

EPLMANAGER фойдаланувчилари эса таркибда кимни сотишни ва қайси футболчини харид қилиш керак деб бошлари қотган. Биз бу борада фэнтези-футбол жамоалари эгаларига ёрдам беришга қарор қилдик.

СОТИБ ОЛИНГ

"Челси" - "Лестер Сити"

Диего Коста

"Челси" жорий мавсумни яхши бошлади дея олмаймиз. Баъзи футболчилар хатто ўтган мавсумдагидек ҳаракат қилишда давом этишмоқда.

Аммо Коста деярли бир ўзи жамоаси учун очко ишлашда давом этмоқда. Испаниялик етти ўйинда 6 та гол уришга муваффақ бўлди ва навбатдаги баҳсда ҳам голли сериясини тўхтатмаса керак.

"Арсенал" - "Суонси Сити"

Санти Касорла

Испаниялик ярим ҳимоячи Премьер-лигада фақат Жордан Хендерсондан муваффақиятли паслар сони бўйича ортда қолмоқда. Унинг узатмалари голли вазиятлар келтириб чиқариши эҳтимоли катта.

"Вест Бромвич" - "Тоттенхэм"

Тоби Алдервейрельд

Шанба куни "Тоттенхэм"ни иккинчи қаватдан "ўққа тутишади" ва Ян Вертонген ҳамда Тоби Алдервейрельдлар ўз жамоаларига катта ёрдам бериши мумкин.

Иккинчи қаватда Тоби Соломон Рондонга имкон бермаслиги мумкин, чунки жорий мавсумда Алдервейрельд ҳаводаги 13 та курашнинг 9 тасида рақибга тўпни бермаган. Шу билан бирга, ҳимоячи стандартларда ўзини кўрсатиши ҳам мумкин.

"Манчестер Сити" - "Эвертон"

Серхио Агуэро

Агуэро камдан-кам ҳолатларда кетма-кет икки учрашувда гол ура олмайди. Аргентиналик ўзига келиб олиш учун "Эвертон"га қарши баҳсда рақиб дарвозасини нишонга олишга бор кучи билан ҳаракат қилади.

"Саутгемптон" - "Бёрнли"

Душан Тадич

Тадич ўз терма жамоаси сафида "Австрия"га қарши баҳсда 1та гол урда ва 2та голли пас берди.

"Саутгемптон" плеймейкери жорий мавсумда вазиятлар яратиш бўйича Премьер-лиганинг энг яхши учинчи футболчиси бўлиб турибди.