Энди расман! Неймар ПСЖ билан шартномасини узайтирди
08 май 2021 17:53
Янгиликлар

Энди расман! Неймар ПСЖ билан шартномасини узайтирди

ПСЖ ҳужумчиси Неймар яна бир неча йиллар давомида Парижда тўп тепади.

Янги шартнома 2025 йилга қадар мўлжалланган.

Олдинроқ хабар берганимиздек, 29 ёшли ўйинчи солиқларни айириб ташлаганда ва бонусларни ҳисобга олганда йилига 30 миллион евро атрофида маош олади.

Неймар ПСЖга "Барселона"дан 2017 йилда 222 миллион евро эвазига ўтган эди. У парижликлар таркибида уч карра Франция чемпионига айланди ва 2020 йил ЧЛ финалига қадар етиб борди.

Бразилиялик футболчи ПСЖ либосида 112та ўйинда майдонга тушиб, 85та гол ва 51та ассист қайд этди.