Эминов, Абдуқодиров ва бир қатор футболчилар "Қўқон-1912" билан шартнома тузди

Пойтахтда машғулотлар билан бирга синов-назорат учрашувларини ҳам ташкил этган жамоамиз, шундан келиб чиқиб айрим футболчилар билан келишувга эришди. 

Унга кўра Қаҳрамон Муҳаммаджонов (“Навбаҳор”), Хуршидбек Мухторов, Қувондиқ Рўзиев (“Локомотив”), Сардор Эминов, Ориф Мамажонов, (“Сўғдиёна”), Дамир Низанов (“Орол”), Шохруҳ Холматов, Иззат Ғаниев, Носир Отақўзиев (“Нефтчи”) ҳамда Абдулатиф Абдуқодиров (“Андижон”) жорий мавсумни “Қўқон-1912” таркибида ўтказадиган бўлди. 

Маълум муддат жамоа кўригида бўлган Азамат Аҳмедов, Илҳом Жуманов, Сарвар Холмуродов, Санжар Баратов, Илҳом Суюнов, Фаррух Шотурсунов, Акмал Турсунбоев, Нодирхон Камолов, Азиз Алижонов, Азизхон Ибрагимов ҳамда Сайдулло Раҳматов каби футболчилар клуб лагерини тарк этган. Эндиликда бу ўйинчилар ўзларига бошқа жамоа топади.

Бу билан селекция жараёни тўхтаб қолгани йўқ ва чемпионат стартига қадар яна жамоани кучайтириши мумкин бўлган ўйинчилар билан музокара ўтказилмоқда. 

Энди режага кўра футболчилар 28 январь куни тушликдан сўнг Қўқонда йиғилади ва Фарғона ҳокими Кубоги турнирига тайёргарлик кўради. Айтиш лозимки, мусобақада жамоамиз икки таркиб билан иштирок этади.