El Mundo Deportivo: «Олтин тўп»ни Месси олади, Роналду икки, Неймар учинчи бўлади

El Mundo Deportivo нашри хабарига кўра, «Олтин тўп»-2015 «Барселона» ҳужумчиси Лионель Мессига насиб қилади. У 414 очко олади (82,4%).

Иккинчи ўринни 212,5 очко (40%) билан «Реал» ҳужумчиси Криштиану Роналду, учинчи ўрини «Барселона» ҳужумчиси Неймар (95,5 очко) банд этади. Ундан кейинги ўринларни Луис Суарес («Барселона», 34,5), Златан Ибрагимович («ПСЖ», 21) ва Андрес Иньеста («Барселона», 20 очко) қўлга киритишади.

Бу ҳақда расман 11 январь куни Цюрихдаги гала маросим вақтида эълон қилинади.

Эслатиб ўтамиз, ушбу сўровномада миллий терма жамоалар мураббийлари, сардорлари ва ОАВ вакиллари иштирок этишди.