ЕЧЛ. Чоршанба кунги қаҳрамонлар ФОТО

"Шахтёр" - ПСЖ 0:3
Қаҳрамон: Ҳам ҳимояда, ҳам ҳужумда яхши ўйнаган Давид Луиз шу куни Донецк клуби дарвозасига гол урди.

"Мальме" - "Реал Мадрид" 0:2
Қаҳрамон: Швецияда дублга эришган Криштиану Роналду фаолиятидаги 500 ва 501-голларини урди. Бундан ташқари у Мадрид клуби сафида ўзининг голлари сонини 323та етказиб олиб мутлоқ рекордчи Раулга етиб олди.

"Манчестер Юнайтед" - "Вольфсбург" 2:1
Қаҳрамон: Хуан Мата биринчи бўлимда пенальтидан гол урди ва иккинчи бўлимда Крис Смоллингга фантастик голли пас узатди.

ЦСКА - ПСВ 3:2
Қаҳрамон: Африкалик Сейду Думбия Голландия клубига қарши баҳсда иккита гол урди. У хет-трик ҳам қайд этиши мумкин эди, бироқ иккинчи пенальтини ноаниқ тепди.

"Астана" - "Галатасарой" 2:2
Қаҳрамон: Қозоғистон клуби илк бор ЕЧЛ гуруҳ босқичида очко олди. "Астана" клуби сафида колумбиялик Рохер Каньяс 89-дақиқада қаҳрамонга айланди. Аниқроғи айнан унинг зарбасидан сўнг "Галатасарой" ҳимоячиси ўз дарвозасига тўп киритиб қўйди - 2:2.

"Атлетико" - "Бенфика" 1:2
Қаҳрамон: "Бенфика" вакили Николас Гайтан биринчи бўлимда "Атлетико" дарвозасига тўп киритди. Иккинчи бўлимда айнан унинг пасидан сўнг ғалаба тўпи киритилди.

"Боруссия М" - "Манчестер Сити" 1:2
Қаҳрамон: Меҳмонлар ҳужумчиси Серхио Агуэро ўйиннинг 90-дақиқасида ўзи ишлаган пенальтидан унумли фойдаланиб "Сити"га ғалаба келтирди.

"Ювентус" - "Севилья" 2:0
Қаҳрамон: ЕЧЛ финалчиси ўз майдонида "Севилья"ни мағлуб этди. Турин клуби ҳужумчиси испаниялик Альваро Мората ЕЧЛда кетма-кет бешинчи ўйинда ҳам гол уриб Алессандро Дель Пьеронинг натижасини такрорлади.

Нарзулла Сайдуллаев тайёрлади