Достонбек Ҳамдамов: "Жанубий Кореяга қарши ўйинда пенальти бизга панд берди"

"Кореяга қарши ўйин жуда яхши бўлди, мухлисларга ёқди деб ўйлайман. Лекин натижа қониқарсиз бўлди. Шу боис Ироққа қарши баҳсда ғалаба қозониб халқимизни хурснад қилмоқчимиз", - дейди Ҳамдамов.

- Жанубий Кореяга ниманинг эвазига ютқаздик деб ўйлайсиз?
- Менимча ўйин тенг бўлди. Пенальти бизга панд бериб қўйди. Аслида бу пенальти йўқ эди. Бу йигитларга руҳий таъсир қилди.

- Бу мусобақа Олимпиадага йўлланма беришдан ташқари футболчилар учун ўзига хос бозор вазифасини ўтаб беради...
- Барчамизнинг энг биринчи вазифамиз Рио де Жанейродаги Олимпиадага йўлланма олиш. Шу билан бирга ўйинчилар ўзини яхши томонлама кўрсатиб хориж клубларининг эътиборига тушиши мумкин. Агар барча футболчилар яхши ўйнаса терма жамоа ҳам ижобий натижа қайд этади. Кучли клублар сафида ўйнашни барча орзу қилади. Лекин айни пайтда барча фикру ҳаёлимиз Олимпиадага йўлланма олиш.

Акромжон Мамадалиев суҳбатлашди

Доха, Қатар.