Дилшод Аҳмадалиев: "Бунёдкор"даги рақобатга тайёрман"
03 фев 2016 14:23
Янгиликлар

Дилшод Аҳмадалиев: "Бунёдкор"даги рақобатга тайёрман"

Ўтган мавсумни "Обод" клубида ижарада ўтказган ҳимоячи Дилшод Аҳмадалиев бугун "Бунёдкор"нинг янги футболчиси сифатида таништирилди.

Биз таништирув маросими якунлангач футболчининг фикрлари билан қизиқдик.

"Аввало мана шу даражага чиқишимга ёрдам берган "Обод" клубига ва мураббийларга катта раҳмат айтаман. Бу клубда ўйнаб анча ўсимшга эришдим деб ўйлайман. Энди "Бунёдкор" сафида ғалабаларга эришмоқчиман".

"Бунёдкор" Ўзбекистоннинг кучли клубларидан бири, Осиё чемпионлар лигасида ўйнайди. Ҳар қандай босимга тайёрман, мураббийлар ва мухлислар ишончини оқлашга ҳаракат қиламан".

"Рақобат бўлса футболчиларга янада кучайиш учун ёрдам беради. Рақобатга тайёрман. Янги мавсумда "Бунёдкор" билан бирга Ўзбекистон чемпиони бўлмоқчиман. ОЧЛда яхши ўйин кўрсатиш мақсадимиз".

"Менга Сергей Лушан ва Бахтиёр Бобоев катта ёрдам беришмоқда. Футболчиларнинг барчаси бир оиладек, ўзимдан катта бўлган барчадан нимадир ўрганишга уринаяпман", - дейди Дилшод Аҳмадалиев.

Нарзулла Сайдуллаев ёзиб олди

Ҳавола :

Манба : championat.asia

Янгиликларни Телеграмда ўқинг!

Рейтинг: +1