Диего Симеоне: «Барселона»дагилар ҳали финалга чиқишмаганини билиб туришибди»
02 фев 2017 10:15
Янгиликлар

Диего Симеоне: «Барселона»дагилар ҳали финалга чиқишмаганини билиб туришибди»

«Атлетико» устози Диего Симеоне «Барселона»га қарши ўйиндан кейин (1:2) қуйидаги фикрларни билдирди.

«Барселона» ўйинни яхши бошлади. Майдон марказидаги хатодан кейин гол ўтказиб юбордик. Кейин Месси чиройли гол урди ва бизнинг режаларимиз ўзгариб кетди. Иккинчи бўлимда ўзимизга ўхшадик, ҳисобни тенглаштиришимиз ҳам мумкин эди.

Танаффусда нима дедим? Бундай гаплар жамоа ичида қолади, аммо иккинчи бўлимдаги ўйинимиз менга ёқди. «Барселона» фаворит? Бу ҳақда олдин ҳам айтганман, Кубок – ғаройиб мусобақа. Хатто «Барселона»дагилар ҳам ҳали финалга чиқишмаганини ҳис қилиб туришибди. Бизни яна бир ажойиб ўйин кутмоқда», – дейди Симеоне.