Дешам Погбанинг допинг билан боғлиқ муаммоларига муносабат билдирди
14 сен 2023 08:39
Янгиликлар

Дешам Погбанинг допинг билан боғлиқ муаммоларига муносабат билдирди

Франция терма жамоаси бош мураббийи Дидье Дешам Поль Погба билан боғлиқ юзага келган допинг масаласи ҳақида гапирди.

"Биз Поль билан ёзишдик, аммо у билан ҳали гаплашганим йўқ. Яқин кунларда бунинг имкони бўлади. Мен жудаям ҳайрон қолдим. Уни яхши биламан, Погба онгли тарзда уларни истеъмол қилганини тасаввур қила олмайман. COVID-19 вакцинаси масаласида у билан олиб борган баҳс-мунозараларимизни эслайман.

Ҳар қандай ҳолатда ҳам тақиқланган моддалар бор, агар қайта таҳлиллар буни бекор қилмаса. Ўшанда барчаси аниқ бўлади. Афсуски ҳозир Поль саволларга жавоб бера олади деб ўйламайман. Аммо бунга вақт керак", - деди Дешам.

Эслатиб ўтамиз, аввалроқ Поль Погба топширган таҳлилда тестостероннинг юқори даражаси қайд этилганди. Футболда эса бу тақиқланади. Погба бу сабаб 4 йилгача четлатилиши мумкин.

Ҳавола :

Манба : Sky Sport Italia

Янгиликларни Телеграмда ўқинг!

Рейтинг: