Даврон Файзиев: "Бухоро"дан таклиф тушгани рост. Барчасига бугун ойдинлик киритамиз"
03 янв 2021 10:48
Янгиликлар

Даврон Файзиев: "Бухоро"дан таклиф тушгани рост. Барчасига бугун ойдинлик киритамиз"

Кеча "Бухоро" жамоасига Даврон Файзиевнинг бош мураббий бўлиши кутилаётгани ҳақида хабар берган эдик.

Ушбу маълумот қай даражада ҳақиқатлигини билиш мақсадида мураббий Даврон Файзиевга юзландик.

"Ҳа, "Бухоро"дан таклиф тушгани рост. Янги йилдан бир кун олдин таклиф билан чиқишди, ҳурматсизлик бўлмасин деб рад қилмадим. Бугун Бухорога келдим, тушликда клуб раҳбарлари билан учрашиб, гаплашиб барчасига ойдинлик киритиб оламиз. Бу ерга келдим дегани "Қўқон-1912"дан расман кетганимни англатмайди. Қўқонда ҳам Бахтиёр Ашурматов билан биргаликда яхши натижалар қайд эта олдик, юқори ўринлар учун курашдик. Аввалги йилларга қараганда бир бош баланд сакрай олдик. "Бухоро"ни қабул қилиб олишим қанчалик амалга ошади бунга яқин вақтларда аниқлик киритиб оламиз",- дейди Даврон Файзиев.

Маълумот ўрнида айтиб ўтиш жоиз мураббий бунга қадар "Суғдиёна", "Динамо" жамоаларида бош мураббий сифатида фаолият олиб борган, ўтган мавсумда "Қўқон-1912" жамоасида Бахтиёр Ашурматовга бевосита яқиндан кўмаклашди.

Ҳавола :

Манба : championat.asia

Янгиликларни Телеграмда ўқинг!

Рейтинг: +15