Давид Алаба бир ойга сафдан чиқди, у муҳим ўйинларни ўтказиб юборади
23 фев 2023 20:50
Янгиликлар

Давид Алаба бир ойга сафдан чиқди, у муҳим ўйинларни ўтказиб юборади

"Реал" футболчилари Родриго ҳамда Давид Алаба жароҳат олиб, сафдан чиқди.

Иккала футболчи ЕЧЛнинг 1/8 финали доирасида "Ливерпуль"га қарши ўйинда жароҳат олди, Алаба 27-дақиқада, Родриго эса 81-дақиқада майдондан олинганди.

"Реал" матбуот хизмати Давиднинг ўнг оёғида, Родригонинг мушакларида жароҳат борлигини маълум қилди. "El Chiringuito TV" хабарига кўра, Алабанинг тикланиши учун бир ой, Родригога эса 10 кун керак.

"Реал" 25 февраль куни "Атлетико", 2 март куни "Барселона" билан ўйнайди. Ушбу ўйинларда Алаба ва Родриго иштирок этмаслиги кутилмоқда.

Ҳавола :

Манба : El Chiringuito TV

Янгиликларни Телеграмда ўқинг!

Рейтинг: