Ушбу баҳсда "Вильярреал" "Реал"ни қабул қилди. "Керамика" стадионида ўтган учрашув 2:2 ҳисобида якунланди.
Бу "қаймоқранглилар" ҳимоячиси Серхио Рамос учун фаолиятидаги 800-ўйин бўлди. 32 ёшли испаниялик футболчи ҳозиргача "Реал" таркибида 589та, Испания терма жамоасида 161та ва "Севилья" сафида 50та учрашув ўтказган. Рамос профессионал фаолиятини 2004 йилнинг 1 февралида, "Севилья" таркибида бошлаган.
